ბიზნეს ქოუჩი - მეგი მაისურაძე სტუმრად GAS-ში

„მიყევი ხედვას და არა ფულს, ფული თავად გამოგყვება“- ამ სიტყვებით დაიწყო შეხვედრა ქართულ-ამერიკული სკოლის მოსწავლეებთან შვეიცარიული კომპანია BPN Georgia-ს ხელმძღვანელმა, მეგი მაისურაძემ.

ბიზნეს ქოუჩმა მეწარმეობით დაინტერესებულ ახალგაზრდებს წარმატებული ბიზნესისთვის საჭირო ნიუანსები კონკრეტული მაგალითების საფუძველზე გააცნო. ტრენერმა და მოსწავლეებმა ერთად იმსჯელეს ბიზნეს გეგმის ისეთ საკითხებზე,როგორიცაა: გუნდურობა, პროდუქტები და სერვისები, ბიზნეს ხედვა, კონკურენტული უპირატესობა, SWOT ანალიზი და რისკების შეფასება. შეხვედრა ინტერაქციულ რეჟიმში წარიმართა და ბევრ რთულ კითხვას საინტერესო პასუხი გაეცა.

ქართულ-ამერიკულ სკოლას ხშირად სტუმრობენ გამოცდილი პროფესიონალები, რომლებიც საკუთარ გამოცდილებას მოსწავლეებს უზიარებენ.